追奶招數逐個睇

Photo2

「全人奶好呀,小朋友聰明啲!」

「餵人奶收身快啲㗎!」

「人奶係BB最好嘅食物」

我夠知啦,有先得㗎!如果我要用五隻字來形容我第一胎20個月的餵人奶經歷,我會用「滴滴皆辛苦」。相信人奶媽先會明白到地獄式追奶有幾咁痛苦,B.B. 飲唔曬啲奶要倒有幾咁心痛,塞奶塞到石頭胸發炎發燒有幾咁辛苦等等。不過一見B.B. 有奶飲就即刻甜到入心!今次第二胎都要繼續努力。

1. 如果可以,盡量多點埋身

Photo1

啲人成日叫人少啲埋身,話因為咁樣會令B.B. 好痴身,又或者咬到蓮姐好痛。以我經驗,只要你忍痛一個月,之後會一點感覺也沒有。

呢個世界好多嘢都講求Demand and Supply ,人奶亦都一樣。B.B. 多需求,媽媽自然會生產多點奶。每當B.B. 吸啜時,都send緊信息比媽媽腦部,刺激造奶。而B.B. 吸啜嘅信號永遠比奶泵強,始終是人同機器嘅分別吧。更何況B.B. 清胸能力一定比較好,清得越好,造奶便會造得更多!

另一樣更重要的便是人奶其實有分日奶同夜奶。研究顯示夜奶成份入面多了很多幫助睡瞓的核苷酸(nucleotides)。如果B.B. 晚上飲了日間泵出來的日奶,你會發現佢可能夜晚會瞓得唔好,甚至唔願瞓,因為日奶𥚃面少了核苷酸。掉番轉如果B.B. 在日間飲了媽媽夜晚泵出來的夜奶便會日頭不段睡,形成自我時鐘日夜顛倒。B.B. 瞓得好啲,食得好啲自然會乖乖長肉。如果媽媽真的冇辦法埋身,最好方法便是記下泵出的時間,安排日間比日奶,夜間比夜奶。

2. 攝取足夠水分

Photo4想多奶一定要攝取足夠水分。以我為例,一日飲大約2公升炒米水(內有糙米,紅米, 黑豆及通草),每餐飯2大碗湯水再加餐與餐中間飲品。尤其現在係夏天,出咁多汗更加要注意自己有冇攝取足夠水分。我地媽媽做咩都諗咗小朋友先,有時唔記得飲水食嘢真係一啲都唔出奇!媽媽們,你懂的。

3. 食一些富有營養的食物

Photo5每日泵咁多奶出來,一定要食得夠營養先可以補番數。我仲發現如果食一些超級食物(Superfood便會生產一些較高質數的奶奶,泵出來後會見到一層厚厚的脂肪層。咁B.B. 飲了這些多脂肪的奶奶自然會肥肥白白啦。

以下是一些比較健康有營養而又增奶量的超級食物:

  • 杏仁/花生/合桃
  • 葫蘆巴籽(Fenugreek 
  • 牛油果
  • 野生三文魚
  • 紅蘿蔔
  • 波菜

4. 保持身心健康

Photo6心情好與壞都好影響奶量㗎。當心情唔好或者病嘅時候,奶量真係會跟住跌,之後媽媽見到奶少咗,心情又再跌上加跌,不段無限loop。喺呢個時候媽媽們一定要提醒自己要放鬆心情。因為當心情緊張有壓力時,身體會產生一種荷爾蒙叫皮質醇(Cortisol) ,而過多的皮質醇係會間接影響你的奶量,甚至乎奶的質量。因為皮質醇係可以透過人奶傳比B.B. ,而B.B. 吸收後也有機會影響他的情緒。

所以當自己心情緊張或感到唔開心時,不妨做些運動,食餐勁嘅,聽聽音樂,自己出街走走等放鬆心情。嘗試享受這些所謂辛苦嘅階段,數年後,你們一定會掛住B.B. 多麼需要你嘅時候!

5 . 充足睡眠及休息時間

Photo3休息對母乳媽媽來說是非常重要。每一次餵奶及泵奶都消耗好多能量,所以要有充足睡眠才可以為下一次作最好嘅準備。一有時間便把握機會瞓覺,瞓唔到都閉目養神。

祝各位媽媽奶路暢通,長餵長有!冇咩事,我都係番去餵奶先!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s